利物浦市的藍色拖肥

猪拉多纳

利物浦呢個地方有兩寶，第一係披頭四Beatles，第二就係足球。愛華頓同利物浦嘅打吡大戰係英國最長歷史的打吡大戰，而且因為利物浦市內很多家庭都有齊兩隊的球迷，一到呢場利市打吡嘅日子，大家會非常重視。本身呢場波都已經多話題性，但係1985年嘅希素球場慘劇後，愛華頓嘅球迷就怪責利物浦害全英國球隊都禁止參與歐洲賽5年，自此之後就令呢場打吡大戰火藥味更濃。

其實大家對賽咁多次，對賽成績唔會一面倒，利物浦係80年代咁勁，但其實係215次對賽入面，利物浦都係比愛華頓贏多18場，而且和咗65場。不過上次打吡唔單止係謝拉特第400場聯賽，而且佢仲大演帽戲法，協助利物浦大勝愛華頓3比0。
等睇紅軍威多鋪

不過波就一場一場咁睇嘅，今年藍色拖肥糖有咁多新球員，而且仲有新教練馬天尼斯帶領，所以舊年嘅事就提來都冇用啦，一於專心睇呢場波好過啦。聽晚《球分》同大家細訴兩隊嘅恩恩怨怨！

（now 101周五晚10時30分直播）

至於呢場波我會點睇，我梗係會用我哋《now免費電視》應用程式睇，因為呢個app特別會免費直播呢場咁重要嘅大賽，你地都快啲Download嚟睇啦，星期六晚你地咪可以同我一齊睇住利物浦點贏愛華頓！

（now621及630周六晚8時45分直播）