AC搞內訌益晒熱拿亞

猪拉多纳

AC米蘭唔只成績差，仲爆發管理層權鬥，太子女芭芭拉想踢走老臣子加利安尼，一班高層為本身利益，根本唔得閒理會球隊問題，難怪昏庸教練阿里基竟然仲有得留低。「紅黑兵團」依家立立亂，已經連續六場正式賽事未贏過，捧佢哋對家基本上冇衰，何況AC今仗主場仲要讓三連勝嘅熱拿亞，當然捧讓球客勝，甚至博埋7倍客W。

AC士氣跌落谷底，會方仍然保住阿里基唔肯求變，簡直係磨滅球員意志。更何況射手巴洛迪利狀態持續低迷，連呢位新領袖都唔掂，球隊已陷入迷失處境，梗係翻唔到身。同埋AC下周中仲要踢歐聯作客些路迪，今場聯賽更加係失分高危時期。熱拿亞全面回勇，聯賽取得三連勝兼冇失波，攻守兼備，受讓好抵玩，Mic少甚至認為熱拿亞贏埋都唔奇。
TVB 301直播