劍飛聲獨贏熨手

猪拉多纳

　　今期賽事，蔡約翰同大摩都擺咗好多匹惡馬出嚟，唔知係咪為十二月國際賽日做準備，先安排佢哋喺今日熱身。呢批明星馬狀態如何，或多或少反映咗喺飛數上面，宜細心留意。

　　噚日睇飛，發現兩匹蔡廐馬嘅獨贏賠率曾經連1.8倍都冇，佢哋分別係第三場「劍飛聲」同第八場「戰利品」（見表），雖然呢兩匹馬上仗贏完有飛好正常，但要記得，佢哋呢鋪係初上三班作賽，但支持者似乎冇有怕，既然信心十足，最好用嚟做膽。周某自己就喜歡「劍飛聲」多啲，其一係佢隔晚WP都有飛，W曾得1.7倍，P更加係1.0𠻹，以一匹上仗贏馬姿態唔算從容嘅馬嚟講，飛數好硬淨。騎師王方面，韋達潘頓都騎足十場，但前者得1.9倍，一於信佢。(周仲)