挪盃冠軍戰興以下犯上

猪拉多纳

挪威盃今晚於奧斯陸烏利華球場上演決賽，由聯賽第六名嘅莫迪鬥聯賽亞軍洛辛堡。翻查紀錄，原來對上五屆挪威盃決賽，有四屆都由聯賽排名較低嘅一方捧盃，最經典係上屆甲組仔賀特越級挑戰成功，憑互射十二碼擊敗挪超殿軍特林素贏得錦標，另外08年一屆排中游嘅華拉倫加亦粉碎了當季聯賽盟主史達比克嘅雙料冠軍夢。

莫迪今季聯賽排名雖然較洛辛堡低，但聯賽兩次碰頭莫迪都唔使輸，分別主場贏1比0及作客和0比0，而且莫迪於上屆挪威盃16強亦曾以4比3淘汰洛辛堡出局，往績上絕對唔輸蝕。

（周日晚8時15分開賽）