創基寶初出即爆

猪拉多纳

新進練馬師蘇偉賢繼續保持旺勢，昨日第二場先憑初出馬「創基寶」爆出15倍冷Ｗ，到第四場以熱門「新界福星」再下一城，成功勝出一口冷熱孖寶。第二場四班1200米由質新馬擔綱，結果四歲才首次上陣的「創基寶」一鳴驚人，為首次以個人名義養馬的馬主歐陽啟初取得好開始。
       
創基寶一鳴驚人，為父系威利好好省靚招牌。
蘇偉賢：可勝任一哩

蘇偉賢對這匹「威利好好」子嗣予以讚賞，他說：「『創基寶』出自『威利』系馬主莊友堅先生名下牧場，在當地多番試閘，已做足工夫，因此抵港後已相當純熟。雖然今場沿途走二疊，但形勢不太差，加上馬兒本身有點質素，得以險勝對手，我相信此駒日後可勝任1400甚至1600米，前景值得看好。」至於為賢廐成功起孖的「新界福星」，蘇偉賢表示由於何澤堯揀騎「滿佳勝仁」，而「新界福星」亦算難騎，因此找來騎功出眾的巫斯義操刀，結果發揮稱職無令他失望。