車路士磨定「利」刃報仇

猪拉多纳

車路士搶分「復仇」！今晚歐聯E組第5輪賽事，有車路士作客瑞士勁旅巴素利，「藍戰士」今晚只要和波就肯定可以取得16強席位，相信唔會重蹈喺主場輸畀同一對手嘅覆轍，一於捧1.7倍客W。

（有線62及202周三凌晨3:45直播）
巴素利歐聯3戰不勝

自莫連奴重掌「藍戰士」後，呢支英超勁旅今季嘅表現一直非常飄忽，除咗月初喺聯賽輸咗畀紐卡素，亦曾經喺首場歐聯分組賽主場不敵巴素利。好彩近期經驗老到嘅前鋒伊度奧發威，近3場入足3粒，加埋夏薩特同奧斯卡杜斯山度士亦有好表現，今場要達成搶分目標確保出線，絕對唔會係難事。

巴素利喺瑞士本土聯賽的確惡晒，但係今季喺歐聯嘅表現就未算太理想，4場分組賽只得首場作客車路士爆冷贏波，其餘全部贏唔到，想全取3分保住晉級希望，睇怕有啲困難喇！