里昂1.88倍主W抵玩

猪拉多纳

貝迪斯一沉不起

今晚係歐霸之夜，兩支I組不敗之師里昂同貝迪斯將會正面交鋒。里昂尾輪造訪甘馬雷斯肯定惡踢，今晚主場恭候近況低沉加上傷兵滿營嘅貝迪斯，絕對係搶分好時機，1.88倍主W值得投以信心一票。

（有線61及201、廣東體育周五凌晨2:00直播）

睇番I組形勢，里昂揸住6分排第2，落後榜首嘅貝迪斯2分，由於尾輪分組賽會硬撼實力分子甘馬雷斯，里昂為免夜長夢多兼搶番出線主導權，今晚鬥貝迪斯唔搶定3分嘅話點掂？好在呢支法甲隊伍冇乜傷兵，好似一對攻擊重心巴菲迪比高美斯同拿卡錫迪都會披甲，加埋加連尼亞派牌，邊使愁冇波入吖？
貝迪斯焗用B隊小將

反觀貝迪斯就大鑊囉，呢支西甲包艇隊伍最近7場聯賽輸足6場，主力攻擊球員魯賓卡斯度同佐治摩連拿亦因為狀態不足冇隨隊，教練美爾唔夠人使，焗住要喺B隊徵召幾位小將上一隊頂檔。近況差、人腳曳，去到人哋地頭憑咩同里昂鍊呀？
歐霸盃I組