鑽飾天使三連捷在望

猪拉多纳

　　文家良馬房今日手馬好惡，我睇好佢有馬贏，最啱心水係第二場「鑽飾天使」。呢隻馬今季進步神速，前仗先響谷草1200米開齋，上場轉跑泥地1200米，居然可以大勝對手三個馬位再贏，今次再跑同程，三連捷冇難度。

　　另一匹心水係頭場何良馬房隻「好加加」，初出已經響直路賽跑近，上場增程跑1200米，即刻殺入一席Q腳，真係愈跑愈進步。今次再跑同程，繼續交畀巫斯義操刀，同場有唔少對手都缺乏作賽經驗，佢應該佔到一定甜頭，有望先拔頭籌。(張敬山)