拿玻里跌Watt讓波冇着「素」

猪拉多纳

開季係威係勢嘅拿玻里最近跌晒Watt，計埋歐聯在內已經連輸3場，最弊係攻擊靈魂咸錫仲養緊傷，今晚意甲去到拉素地頭仲學人讓波？唔輸都偷笑啦，主場出擊嘅拉素受讓平半一於敲下盤。

（TVB網絡電視301頻道周二凌晨4:00直播）
拉素近5年主場交手不敗

意甲連輸兩場之後畀羅馬、祖記拋甩，上周中歐聯又輸鑊勁畀多蒙特，小組出線資格危危乎，拿玻里呢排真係瓣瓣都唔順。除咗一對中後場球員辛尼加同美斯度之外，連Keyman咸錫都養緊傷，成隊波攻不銳守不穩，係近3仗入1球失7球嘅原因。

雖然話拉素近4場聯賽都失分，但起碼佢哋喺周中歐霸盃分組賽砌低歷基亞，為球員注入強心針。教練柏高域強調唔會跳槽教瑞士國家隊無疑令陣營士氣大振，加上呢支首都球隊自2008年10月開始，近5年嚟都未試過喺奧林匹高球場輸畀拿玻里，今鋪受讓梗係抵玩啦！