PSG雙箭着火大狙擊

猪拉多纳

今晚法甲續開快車，榜首嘅巴黎聖日耳門（PSG）將會作客伊維恩。PSG氣勢如虹，得益於雙鋒伊巴謙莫域同卡雲尼愈來愈夾，士哥停不了，撞正喺自己地頭出擊好大喜「攻」嘅伊維恩，隨時合演入球騷，就算呢場大細中位數調至2.5/3球，斯維照撐大盤。

（TVB 301及now 714周四凌晨4時直播）

今夏PSG重金羅致烏拉圭中鋒卡雲尼，一度被認為係取代年逾30嘅伊巴謙莫域，不過主帥白蘭斯刻意讓卡雲尼屈就打右邊，明顯係確立伊巴嘅大佬地位，消除芥蒂之後開始嚟料，近15場正式賽事中，雙鋒總有一人有士哥，成為PSG不斷報捷嘅關鍵因素，單計聯賽，兩人就佔球隊34球中嘅21粒，都咪話唔得人驚。由於瑞典緣盡下年世盃，一向要威嘅伊巴必拚盡為PSG賣命，將怒火宣洩喺球會級對手身上，整定一眾法甲球隊冇運行。
伊維恩掛住攻防線穿窿

不過伊維恩就唔理咁多，逢親主場出擊都踢得特別進取，所以搞到後防立立亂，得失球達10對14之比，以佢哋咁唔識死嘅打法，實畀着晒火嘅伊巴玩謝。客W得1.25倍冇肉食，既然雙方都咁攻得，要炮製4個入波話咁易喇，一於揀入球大。