曼城「西」征1.52倍W咪嫌熱

猪拉多纳

比歷連尼Order要上榜首

近兩場英超一共派咗9隻蛋畀對手嘅曼城，強勢升上聯賽第3位，佢哋暫時只係落後榜首嘅阿仙奴6分。領隊比歷連尼話明新年前要殺上榜首，一眾球星收到Order實識做，而且鐵衞高柏尼傷愈歸隊，今次對住近況麻麻嘅西布朗肯定唔會手軟，1.52倍客勝值得支持。

（now625台周四凌晨4:00直播）

曼城主帥比歷連尼賽前落Order要改善作客戰績，仲話要喺新年前做一哥，成班球星落場唔搏命，容乜易同赫特一樣畀人燉去坐冷板？事實上「藍月亮」一眾鋒將勁Fit，射手阿古路級數高晒唔愁冇波入。咪忘記佢哋仲有個後備殺手迪斯高，呢位波斯尼亞射手上季兩鬥西布朗省3球，今仗隨時再做奇兵，加上中堅高柏尼重返大軍，守得穩時進攻自然可以更加放心。
西布朗防線甩漏多

曼城今場嘅對手西布朗近況一般，近7場只係贏過唔夠班嘅水晶宮。況且呢班波防線甩漏唔少，連續3場比賽都失2球，今仗仲有中場大將穆林保停賽，門將賓科士打又未好番，睇個勢好難阻止曼城攞到3連勝。