阿仙奴攻守兼備 無敵酋長o趙拖肥

猪拉多纳

今晚英超爆發前列大戰，兵工廠喺酋長球場迎戰「拖肥糖」愛華頓！阿仙奴今季演出穩定，一眾中前場球員狀態極佳，加上佢哋主場出擊甚少交白卷，後防集中力又係近幾季以嚟最好，就算今晚對住攔路虎愛華頓都信得過，一於直取2.52倍「讓球主勝」，撐阿仙奴全取3分！

（now621台周一凌晨0:00直播）

阿仙奴除咗開鑼戰輸畀維拉1:3，喺主場已經6連勝，演出非常穩定，由皇馬簽入嘅「大眼仔」奧斯爾，喺中前場嘅表現更係如魚得水。同時不得不提今季踢到着晒火嘅艾朗藍斯，作為一個中場球員，今季喺各項賽事已經取得10個入球，表現大熟大勇，今仗絕對有力左右大局！
廠仔主場6連勝

更難得嘅係，兵工廠已經連續4場保持清白之身，防線係近季最可靠，門將施捷斯尼今季「蝦碌」亦都少咗好多，更不時屢救險球，絕對係阿仙奴取得佳績嘅最大功臣之一。
愛華頓訪「酋長」6戰不勝

對手愛華頓喺啱啱過去嘅周中踢出代表作，作客以0:1擊敗曼聯，打破21年造訪奧脫福球場嘅不勝紀錄，威係幾威嘅，不過佢地贏嘅只係冇咗尹佩斯，得朗尼單天保至尊嘅曼聯，同攻擊點眾多、如日中天嘅阿仙奴相比差距甚遠。相信由菲臘積基爾卡領導嘅防線，今仗會面對非常嚴峻嘅考驗，想打破近6次作客阿仙奴僅得2和4負嘅不勝走勢，實在有難度。
乜都玩錦囊 兩隊守得穩再追細

愛華頓對住近況非常勇銳嘅阿仙奴，想贏波確實極有難度，不過既然雙方後防都非常穩陣，近排大部分賽事都保住清白之身，阿仙奴就算贏都係一粒起、兩粒止，兵工廠近8戰7次開細嘅走勢有望持續，不妨敲2.05倍入球細。
Data King 廠仔近7戰6勝

‧阿仙奴近7戰獲得6勝，只失1球。

‧愛華頓近7戰不敗，其中5場保持清白。

‧ 兵工廠最近8場賽事有7場開入球細。