史雲頓爭盃有芬數

猪拉多纳

由英格蘭甲組及乙組球隊爭嘅英格蘭聯賽錦標賽打到嚟八強階段，阿King花啲篇幅同大家一齊研究吓。八強入面有五支英甲三支英乙，照牌面同抽籤形勢睇，史雲頓最值得睇好，始終低組別球隊有主場係好緊要，而且對手史提芬納治英甲都未踢掂，爭盃？算罷啦，史雲頓熱W真係咪錯過。

（周三凌晨3時45分開賽）
低組別主強客弱更分明

老實講，阿King覺得啲英格蘭低組別球隊，偶然性好強，講得白啲，其實係冇路捉，可以好哋哋突然失準，亦可以無喇喇出現場大勝。不過，有一項特性就真係不論排榜首定榜末都一樣，就係主強客弱。你可能不禁喺個口衝咗句粗口出嚟，話係人都知，但阿King想強調，英超、英冠啲球隊可以作客以強制弱，甲組同乙組真係好難。揸住呢個硬道理，英錦賽其實好易揀，從實力睇就史雲頓最正路，如果計埋盤路呢，費列活特同紐波特郡兩隊乙組仔嘅讓球主勝都抵玩，三串一夠餐晏仔o架。