魯賓卡山收爐益晒華雷根

猪拉多纳

歐霸盃D組上演榜首戰，比利時華雷根主場迎戰俄羅斯魯賓卡山，Anton係俄羅斯人，自小移居比利時，對兩支球隊都相當熟識，今場對華雷根嚟講係全年最重要嘅比賽（Game of the year），相反魯賓卡山篤定首名出線，踢埋呢場作客賽事就歇冬，球員已經部署緊聖誕新年假期安排，唔會同你搏，主隊戰意贏晒，主勝有2.4倍值得支特。

（周五凌晨2時開賽）

華雷根只係歷史上第二次踢歐霸盃，但上次07年已小組出線，最後不敵紐卡素無緣16強，呢支小球會無論高層、教練同球員都做啱晒，上屆比甲僅屈居安德列治之後獲亞軍，今屆喺歐聯附加賽負於燕豪芬而轉戰歐霸，佢哋喺分組賽極慢熱，頭三場只得一分，但近兩仗大有進步，先後作客擊敗馬里博爾同韋根，出線重現生機，今晚佢哋會借用布魯日嘅球場作主場，但呢個球場佢哋都踢慣，球隊備戰積極決心堅，強陣出擊有力贏波奠定小組次名出線資格。
主力休假交行貨

基於華雷根今場和波都夠分出線，所以主勝賠率偏冷，不過Anton仍然相信佢哋可以贏波，皆因對於魯賓卡山嚟講，呢場贏輸都無關重要，佢哋踢完上周末聯賽後已進入歇冬期，球隊亦決定畀多名主力提早休假，除托賓斯基同卡拉丹尼斯養傷外，正選球員好似拉治哥夫、拉亞辛迪施夫同艾利文高等都唔需要隨軍，擺到明交行貨益主隊啦！
Anton 推介：

華雷根勝★★★

亨克讓球勝★★★

熱刺讓球勝★★★