勝利猛火消滅光輝

猪拉多纳

射手艾奇湯臣回歸

今日下晝澳職會上演獨腳戲，由墨爾本勝利主場恭候珀斯光輝。墨爾本勝利今場有主力射手艾奇湯臣傷愈回歸，配合表現神勇嘅中場杜羅奧斯攻堅，鋒力有保證。今場對住作客仲未開齋嘅珀斯光輝，不妨進取啲考慮2.25倍「讓球主勝」。

（有線64、203周五下午4:30直播）

墨爾本勝利上場畀紐卡素噴射機中止主場3連勝，成班球員梗係唔開心，大家都想喺今仗重振聲威。球隊賽前亦收到好消息，上仗腿筋受傷避戰嘅射手艾奇湯臣重返大軍，有望提升火力。

此外，由阿特蘭大加盟嘅借將杜羅奧斯極速融入球隊，9戰入6球，同紐卡素噴射機嘅阿當泰加特並列喺聯賽射手榜第1位，今仗肯定把握機會爭取士哥。只要呢對孖寶發揮正常，勝利有力大數對手。
珀斯光輝作客未開齋

對手珀斯光輝火力疲弱，聯賽作客只入得2球咁多。而且上場做奇兵攻入2球嘅中場薛尼摩拉利斯打柴，射手史美斯又未好番，佢哋真係唔知可以搵邊個出嚟入波。經驗豐富嘅鐵衞加拿斯續抖，難以改善連續5場都失波嘅防線，咪忘記佢哋今季作客仲未贏過，就算隊長中場積及般斯刑滿復出，睇怕都幾難力挽狂瀾。