華麗登場施回馬槍

猪拉多纳

　　昨文提及今季總場次118田草三班1400米的參賽馬，牠們再出大多交出好表現，該役亞軍「好靚仔」這次列陣尾場三班同程必受注目。既然大家都知牠有好賽績支持，訓練該駒的沈集成當然不可能不知，這次他終派「好靚仔」出賽，預計同日必會有侶配合出擊，而筆者認為列陣第二場四班1000米的「華麗登場」值得留意。

　　質素高有進步

　　「華麗登場」這匹三歲馬今季首度出賽，初出配楊明綸跑田草四班1000米，閘前賠率愈賣愈冷下以35倍開跑，結果走勢冇前冇後跑第七，負於頭馬「銳不可擋」三個多馬位，表現乏善可陳。不過，牠相隔三個多星期後改配韋達及增程至田草1200米，臨場居然被捧成5倍熱門，最終排七檔出閘後一放絕塵，雖僅以頸位贏亞軍「開心歡笑」，但能在短時間內交出如此大進步表現，足證本身質素不弱。

　　可惜「華麗登場」的表現未能保持連貫，上仗牠在杜利萊胯下回師直路賽及僅得第六，再次負於「銳不可擋」而回，看來「華麗登場」跑直路賽的性能麻麻，但今次沈集成仍鍥而不捨再替牠報爭同程，相信必有道理，換上跑田草1000米近績不俗的柏寶執韁（見表），兼且抽排十二檔有助發揮，隨時可施回馬槍。歐陽志恆