千杯豪情勇況依然

猪拉多纳

　　莫雷拉近期氣勢迫人，至於潘頓亦鬥志如虹，定必成為大眾焦點，不過兩者也出現在同一組賽事太多馬可揀騎的問題，究竟揀定揀錯？抑或馬房有意換人？大家要小心推敲！

　　第一場五班1400米，「寶德」上仗改用潘頓，睇番全程發揮，雖然終點前被「新界福星」趕過，但本身已交出相當理想的水準。當然，賺了形勢是一大因素，唯今次豈不是同樣抽到靚絕的二檔，如今因換上李寶利，表面是潘頓棄騎，但箇中因由不明。再講，馬兒有正常的狀態支持，而李寶利是戰意十足的好手，只要把握到前段霸到好位，再入Q甚至贏馬又有甚麼出奇！

　　換人上陣冇問題

　　第五場四班1600米，「千杯豪情」兩勝五班姿態從容不迫，上回乘勇態升班增程，可惜起步拋下潘頓，墮馬收場。如今相隔一段較長時間始再安排上陣，期間雖然大細閘也由潘頓出試，但最終沒有披甲，改用同樣硬淨、且季初已過檔試閘的安國倫，情況有點像「辣得醒」，所以換人也不用擔心。目下此駒勇況依然，加埋一檔之助，力足攻陷第四班賽事。廖浩賢