次名出線阿仙奴自尋「Oh No」

猪拉多纳

世界盃32強抽籤後，緊接而嚟聽晚就會上演歐聯同歐霸盃淘汰賽階段嘅抽籤。Peter相信家家有求，多蒙特死裏逃生成功取得首名出線，更可以避開好多強隊，相反阿仙奴自尋「Oh No」（懊惱）。由於賽制規定歐聯16強唔可以對同國同埋分組賽同組對手，所以次名出線嘅阿仙奴只會撞到以下五支首名出線嘅球隊，分別係巴塞隆拿、皇家馬德里、馬德里體育會、拜仁慕尼黑同巴黎聖日耳門，呢個結果對「兵工廠」嚟講絕對唔係好事。
「先客後主」好處多多

另外兩支英超球隊曼聯及車路士，由於取得首名資格，所以遇上嘅對手冇咁強。其實，好多資深教練都知道，首名出線除咗可以避開強隊外，更重要係16強賽事將先喺首回合作客，次回合才返主場出擊。大家不妨睇睇加拉塔沙雷喺分組賽最後一場如何絕殺祖雲達斯，就知道「先作客，後主場」嘅好處。

歐聯抽籤有開心者，自然有失望者，兩支英超球隊曼城及阿仙奴將會非常「難啃」。相反，多蒙特及車路士可視乎歐聯16強對手實力，喺冬季轉會市場重開後買人，實行博一鋪。至於抽籤或許未如理想嘅阿仙奴，始終要聯賽及歐聯雙線發展，自然同樣要把握時機買人，一個有級數嘅中堅同有入球能力嘅前鋒都係「兵工廠」嘅目標，咁樣先有機會打破多年嘅錦標荒。
金句：不可錯過的歐聯懸疑時分