沙士菲後上封王啱素

猪拉多纳

爭標衝刺3連勝勢勁

阿甲首最後一輪兼最後兩仗賽事明早同時間上演，榜首的聖羅倫素作客對沙士菲，而剛贏得南球盃冠軍的拉魯斯同樣作客惡鬥紐維爾舊生，兩場戰果都會左右首階段聯賽冠軍花落誰家。

聖羅倫素於賽前稍有優勢，球隊於積分榜上以2分領先其餘三隊，只要贏波即奪冠軍，就算今仗賽和，聖羅倫素最差亦可在冠軍附加賽爭奪終極王者的資格。不過，聖羅倫素近況不算太好，近四仗作客只錄得兩和兩負未嘗一勝，今仗更有中場柏保路艾華拉度上仗領紅今仗需停賽，對球隊實力勢必有影響。
聖羅倫素作客腳軟

沙士菲狀態則比聖羅倫素好好多，球隊近三場聯賽全勝，在阿甲首最後關頭以強勢加入爭標行列。沙士菲今仗雖有前拉素射手莫路沙拉迪因上仗領紅被逐，今仗需坐波監，但仍有其他主力可以候命，加上球隊今季聯賽主場只逢一敗，面對作客表現平平的聖羅倫素，今仗有力贏波後上封王。

（周一清晨5時開賽）
拉魯斯強勢破舊生

另一場紐維爾舊生主場對拉魯斯，舊生近七仗雖未曾一勝狀態明顯跌晒Watt，但球隊仍屬今季首階段唯一主場不敗球隊，所謂「爛船總有三斤釘」，主場出擊仍是難以被擊敗。拉魯斯剛於上周中贏得南球盃冠軍，球隊信心及士氣可謂不容置疑，而且近七場聯賽轟入16球火力非常強勁。拉魯斯教練古勒莫舒洛圖更鼓動球隊力爭今仗贏波，完成2013年最後任務，所謂寧買當頭起，拉魯斯挾南球盃奪冠餘威，今仗作客紐維爾舊生絕對有力一戰，有得受讓捧讓球客勝。

（周一清晨5時開賽，馬會網上文字直播）