哥斯達腳風順馬體會擒「蝙蝠」

猪拉多纳

喺歐聯G組以不敗姿態首名晉級嘅馬德里體育會，今季喺西甲同歐聯主場錄得10戰全勝嘅無敵佳績，仲要最近11戰未輸過，印證球員喺卡達朗球場演出零舍醒神外，加上射手迪亞高哥斯達腳風順，今晚喺聯賽迎戰今非昔比嘅「蝙蝠兵團」華倫西亞，一於撐1.81倍「讓球主勝」。

（now632台周一凌晨4:00直播）

馬體會射手迪亞高哥斯達今季大熟大勇，暫以15個聯賽入球成為球隊首席射手，只要持續有好表現，大有機會代表西班牙出戰巴西世盃，嚟緊肯定場場搏盡。至於主場無敵佳績，全部由頭贏到落尾，證明馬體會喺自己地頭出擊能夠迅速入局，相信教頭施蒙尼喺呢方面落咗唔少苦功，今晚只要保持水準，開出「讓主」唔成問題。
華倫後防唔穩陣

華倫西亞喺聯賽以6勝2和7負排第9位，要爭歐聯席位恐怕有心無力，雖然陣中不乏莊拿斯干卡維斯、普斯迪加同班尼加呢啲中前場猛將，可惜後防不穩成為班波戰績下滑嘅致命傷。佢哋作客演出尤其飄忽，7場僅得2勝1和4負，今場造訪實力強橫嘅馬體會，情況絕對唔樂觀。