「狼王」回歸羅馬撲殺ＡＣ米蘭

猪拉多纳

今季意甲唯一不敗之師羅馬好事跟住來，繼上輪力挫勁敵費倫天拿，走出4連和悶局，成功衝破樽頸位，信心番晒來，精神領袖托迪養傷兩個月後，終於痊愈可隨時候命，大大振奮軍心。羅馬今仗作客疲兵ＡＣ米蘭，仲有得受讓平半，實在筍到爆，下盤必捧。

（TVB301周二凌晨3時45分直播）
托迪復出振奮軍心

羅馬創下意甲開季10連勝壯舉後，竟然連和4場，可歸咎於兩大原因。首先患上「破紀錄後遺症」，球員寫下一項偉績，心態上出現鬆懈。第二是隊長托迪受傷缺陣，球隊頓失重心，未能迅速扭轉逆境。不過最壞嘅時期已經過去，由於被祖雲達斯搶走榜首之位，羅馬又要重新上路搏殺，上仗擊敗費倫，有番季初霸氣，再加上托迪傷愈及射手迪斯度復出後亦屢有佳作，羅馬更難被擊敗。

ＡＣ米蘭表面上近況有改善，但踢落並唔對辦，上輪聯賽戰至末段先至逼和利禾奴。上周中歐聯大部分時間以寡敵眾，被阿積士圍攻，唔輸只因有運，但運氣始終靠唔住，事實係「紅黑兵團」已經搏到殘，而且太依賴卡卡同巴洛迪利，易於被對手防範，想攻入15戰僅失5球嘅羅馬防線談何容易。
紅黑兵團讓波多數衰

值得一提，足智彩今季13次開讓球盤ＡＣ讓波，結果10次開出下盤，ＡＣ今仗又要讓平半，又係捧對家嘅時候。

猪拉多纳