精英隊主場受讓搵到食

猪拉多纳

今日受注賽事集中在各地盃賽，阿King睇中一場荷蘭盃十六強精英隊主場鬥施禾利作為重心，捧精英隊讓球主勝，再串埋英足盃嘅哈特普爾及法聯盃嘅歐塞爾，三串一乘埋超過8倍好分頭。
歐塞爾踢盃賽嚟料

先講精英隊主場鬥施禾利，荷乙嘅精英隊係近年出名升降機，實力和荷甲中下游分子相距唔遠，上圈佢哋就曾經喺主場踢走另一支甲組隊伊高斯，足證有一定實力，而且佢哋對上十場主場只輸過一次，成績好平穩，面對作客勝出率不足三成嘅施禾利有得受讓好着數，讓球主勝捧得過。

（周三凌晨3時開賽）

另外英足盃第二圈重賽，英甲高雲地利主場鬥英乙哈特普爾，哈特普爾雖然低對手一個組別，不過上次喺落後之下成功逼和對手踢出士氣。高雲地利近況麻麻，已經連續三場主場未贏過，今場主隊讓波寧捧讓球客勝。最後法聯盃十六強南特主場對歐塞爾，歐塞爾今屆踢盃賽特別醒神，除咗月初曾在法足盃大勝南錫三比一，上圈法聯盃作客法甲勁旅里爾踢至加時亦成功淘汰對手，實力不容小覷。南特上周末聯賽於主場吃敗仗，士氣、狀態俱一般，今場讓唔起對手。