車仔二線兵質高照擒「黑貓」

猪拉多纳

英聯盃8強今晚開戰，新特蘭同車路士將會喺13日內第2度交手，就算「藍戰士」領隊莫連奴派副選兵出擊，有伊度奧、舒賀爾尼同奧斯卡杜斯山度士呢個攻擊鐵三角壓陣，要造低「黑貓」綽綽有餘啦，1.5倍客W趁熱食。（TVB301台周三凌晨3:45直播）

車路士近期演出冇乜霸氣，月頭踩蕉皮輸畀史篤城之後，禮拜日凌晨亦只能險勝水晶宮，但查實佢哋喺英聯盃表現反而仲醒神，對上兩輪都分別清脆利落淨勝史雲頓同阿仙奴兩粒，盃賽演出有番咁上下保證。
伊奧度 舒賀爾尼擔正

按照莫連奴作風，今場波應該會玩輪換，上場聯賽做後備嘅伊度奧、舒賀爾尼、奧斯卡杜斯山度士同林柏特照計會悉數擔正，當中舒賀爾尼早前對史篤城梅開二度，腳風咁順，今晚擔正隨時又數胡。

新特蘭月頭喺聯賽以3:4僅輸畀車路士，「藍戰士」嗰場波失3球咁羞家，今仗仲會畀機會你隻「黑貓」咩？況且新特蘭自98至99球季打後未殺過入英聯盃4強，想搵車路士着數睇怕難啲喎！
世冠盃、英總、英聯盃、荷盃、法聯盃賽制

世冠盃為4強，英總為第2圈重賽，英聯盃為8強，荷盃及法聯盃為16強。以上賽事若法定時間內打和將加時30分鐘，若仍未分勝負即互射12碼決勝。

猪拉多纳