咸錫效忠拿玻里踩油追分

猪拉多纳

拿玻里慘成最高分歐聯分組賽出局球隊後，球隊喺聯賽重新出發，上周已經大炒國際米蘭4比2，為咗唔好畀祖雲達斯放甩，意甲歇冬前最後一仗作客卡利亞里一樣喪攻博3分，1.9倍客Ｗ咪錯過。

不能否認，拿玻里教練賓尼迪斯張CV其實幾靚，上年幾唔得車仔球員歡心都好，一樣幫球會攞咗個歐霸盃先走人，未計之前喺國際米蘭同利物浦嘅成績，肥賓教波確係有一手，今年歐聯衝小組失敗，只係支籤抽得唔靚，佢哋聯賽成績唔錯，依家又繼續挑戰冠軍。

作客卡利亞里夠贏

中場咸錫喺今場前發表「效忠宣言」，話乜嘢豪門搵自己都唔會走，要為拿玻里衝冠，上年攞咗意大利盃，今年要搶聯賽冠軍，仲話落後祖記八分好小事，有信心追到。既然係咁，冇理由喺中下游球隊身上失分啫，今仗信咸錫要客Ｗ。

TVB301直播