潘頓化身過關勇將

猪拉多纳

　　橫睇掂睇今賽潘頓連場手執惡馬，騎師王成為熱門乃意料中事。昨日本欄建議大家賭潘頓騎師王，用意是當作買保險，雖然預期賠率乏味，惟將其坐騎一藍子包圍，總是勝過亂石投林，逐隻賭獨贏無疑回報較佳，卻萬一買大開細，或買細開大，被他左一巴右一巴，最終吃不完兜走，咁就無謂啦！

　　依賭博士見解，今次潘頓的騎師王宜大注捧場，銀紙好過放銀行收息，然後揀幾隻心水賭單W或輕注過關，就算獨贏輸了，也可指望騎師王兜底翻身，此乃進可攻退可守之策略。

　　除了昨文推介的「皇者拍檔」，第四場「過關勇將」和第六場「聖驛善」也不妨追捧。這兩駒無獨有偶，上仗均列陣國際騎師錦標賽，前駒由濱中俊騎得亞，後駒配夏偉卓入Q，兩位過江龍來港客串，尚且交出理想成績，潘頓是谷草地膽，豈可失威讓人專美？

　　事實上，「過關勇將」沉寂一時，上仗復現強勁追勢，評分擺明屆反彈時；另「聖驛善」自季初贏後，連場近而未勝，頻頻換人也冇符，今回輪到潘頓接手，必然拼盡顯身價。（賭博士）