曼城紅軍半場拆大禮

猪拉多纳

英超「拆禮物日」快車上演超級好戲，由兩支火力最強嘅球隊「笑住」對決！今季平均每仗入3球嘅曼城，主場超勁，歐聯成績更令人喜出望外，對家利物浦又係弗到令全球球壇刮目相看，蘇亞雷斯仲榮登「殿堂級前鋒」，兩軍喺2013年都威過威士忌、士氣爆燈，今仗對攻，肯定入球停不了，1.46倍大要捧，夠狠就博埋2.1倍「半大」啦！

（now621台周五凌晨1:30直播）

Boxing Day，狂鋒起！今晚呢場英超重頭戲，兩班波狀態都勁弗，曼城近9戰8勝1和，利物浦則4連勝坐住個「1哥」位，雖然「藍月亮」聯賽主場無敵，但「紅軍」同樣來勢洶洶，要估勝負唔易，講好路唔及「入球大」。
曼城平均每場o趙3粒

睇睇曼城，開季至今17戰入51球，平均每場入3球，如果佢哋可以保住呢個入球率到季尾，即係整季會喪入114球，打破由車路士喺09/10球季造出嘅103球單季入球紀錄！當然，佢哋近排有首席射手阿古路受傷，或會令捧場客擔心，不過無論佢哋用尼格度定係迪斯高頂上，都一早證明有足夠級數繼續「士哥」，睇睇佢哋對阿仙奴同熱刺都可以省6粒，對諾域治更轟夠7蛋，以利物浦近14場聯賽得2場冇失波嘅防線，點頂？
利記「蘇神」喪入19球

對家「紅軍」亦唔輸蝕，17戰入42球，平均每場入2.47球係全英超第2，佢哋位首席球星蘇亞雷斯開季至今12戰入19球，喺射手榜已遙遙領先，最重要係「藍月亮」條防線都唔係叻，門將赫特表現飄忽，主帥比歷連尼又用過合共8對唔同嘅中堅組合，結果平均每仗要失成1.12球，「蘇神」想入波有幾難？

當然，兩軍都鍾意速戰速決，一開波就鬥攻，亦係力奇推介「半大」嘅主因！曼城近6戰有5次開「半場大」，利物浦仲堅，近7場波有6次換邊前已入咗兩粒或以上，今晚個「半大」，隨時唔夠15分鐘已經搞掂！
Data King︰藍月亮主場士哥平紀錄

‧曼城連續58次英超主場戰有入波。

‧曼城開季主場8戰入35球，係自熱刺喺62/63球季造出同樣成績後，近51年來頂級聯賽最多。

‧蘇亞雷斯喺12月英超喪隊10球，係英超史上單月入球最多紀錄。