富貴車仔迎蘇7

猪拉多纳

藍戰士車路士嘅正選11人身價超過1.5億鎊，但大家都認為車仔最令對手煩惱嘅唔係球員，而係球隊嘅戰術和領隊莫連奴，呢個SPECIAL ONE當年領軍嘅第1季，已經打破曼聯同阿仙奴壟斷首奪英超冠軍。今季莫帥回歸，大家都充滿期待，但到目前為止都未見到車路士有番以往嘅穩定性，防守方面亦唔可能再一季只失10球。大家都為他找藉口：「可能車仔球員都老了」、「可能其他球隊都強了」，但這都不會出自莫連奴之口，因為他最懂得保護球員。

莫連奴除了教波叻，最犀利就是維護自己球員，場外佢為球員擋箭，場內又同球員情同父子。球員有fans就見得多，但連球員都做埋莫連奴fans，就知這個領隊魅力有幾驚人，今晚《球分》同大家傾下！

（now 101周五晚10:30直播）
現場直擊藍紅大戰

車仔對手利物浦都有個好領隊羅渣士，雖然紅軍星味不足，但羅渣士用一個「蘇7戰術」就成為暫列英超榜首，而且利記今年嘅防守力亦大大提高，冇再失大意波，搵米洛列特代替連拿又是羅渣士另一高招。周一凌晨利物浦將會作客車路士，我Lulu會喺英國現場同大家WE　CHAT呢場藍紅大戰！記得捧我場呀！

（now 621周一凌晨零時直播）