曼城狂鋒夷平水晶宮

猪拉多纳

連利物浦呢關都過埋，曼城仲有咩好驚呀？「藍月亮」昨晨喺聖誕快車檔最硬一戰勇挫利物浦2:1，過程反映曼城有料兼有運，時隔48粒鐘再喺無敵主場恭候水晶宮，領隊比歷連尼有嘅係雄厚兵源，加埋「大勇狂鋒」尼格度衝鋒陷陣，就算派遣部分副選兵出擊都炒得起水晶宮，捧1.87倍「讓主」。

（now622台周六晚11:00直播）

曼城昨晨憑高柏尼同尼格度各建一功，主場以2:1反勝利物浦，雖然話旁證錯判越位「帶挈」佢哋全取3分，但亦睇得出曼城呢期真係行運行到落腳趾尾。唔少人起初都擔心阿古路小腿受傷休戰，會唔會對曼城攻擊力有大影響，但睇見「藍月亮」近3仗合共攻入9球，尼格度近兩仗仲分別交出靚助攻同入波，相信球迷嘅憂慮已經一掃而空。
比帥點名讚回勇赫特

查實贏利物浦場波唔單止為曼城眾將注入強心針，最重要係「神救」菲臘比古天奴必入球嘅赫特打番起信心，賽後比歷連尼都點名大讚呢位英格蘭第一門神有料到，加上阿根廷中堅迪米捷利斯傷愈，曼城攻守兩瓣都畀到人信心。
水晶宮冇得輪換輸體力

頻密賽程係強隊踩蕉皮嘅最大因素，但曼城勝在後備兵源夠「卡士」，好似對「紅軍」一戰做後備嘅迪斯高、占士米拿同查維加西亞今晚都有機會落場，反觀水晶宮呢啲弱旅就冇資格玩輪換，計體力反而比曼城輸蝕。

呢支倫敦球隊昨晨以1:0勇挫維拉，今晚更有有查馬克刑滿復出，但後防雙杉迪米恩迪蘭尼同加比頓出名轉身慢兼多甩漏，點頂得住尼格度嘅進襲呀？
乜都玩錦囊 「倫敦殺手」！吼埋主其他

曼城今季主場鬥倫敦球隊都特別起勁，月中試過大勝阿仙奴6:3，上月底仲請熱刺吞夠6隻光蛋添，同樣來自倫敦嘅水晶宮隨時輸得更大鑊，7倍「主其他」玩得過。
Data King 藍月亮地頭9戰全勝

‧曼城今季英超主場9戰全勝勁入37球。

‧水晶宮今季作客未試過和波。

‧雙方近4次交手曼城羸晒。