創基寶無懼外檔

猪拉多纳

　　今期元旦日又跑十一場賽事，但整體馬匹實力與剛周日舉行的沙田賽日相差甚遠，且看賽果會否正路一點。

　　第一口孖T頭關第四場三班1800米，馬少場合揀前領型馬匹有數，所以揀「豪氣初華」作膽。這匹自購馬今季適應水土後，成績大有改善，雖然季內三場入前四名的賽事悉數於泥地進行，但根據血統，相信牠轉跑草地中長途只會更好。「豪氣初華」今季初出一役跑泥地1650米，由韋達主轡，當時牠採用慢放戰術，惜最後一步不敵「好勝煌」，只得亞軍。及後兩次再跑同程，可能馬兒落腳轉慢又排外檔，不管是韋達或巫斯義，都不約而同地留後追趕，但仍跑獲一季一殿，證明此駒有分在手。今次轉跑草地1800米，增程無非想擺番前走，有機會賺慢步速獲冠。

　　尾關第五場四班1200米，「創基寶」上仗初出於C欄同程贏馬，難得快步速跟前，竟然可以壓倒再出贏馬的「萬事盛」及接戰獲亞的「齊飛」，實力一定強，排外檔都要揀。

　　洋超