捧場客睇中金鎗俠

猪拉多纳

　　今日新年新開始，先祝各位馬迷2014年贏到開巷先。呢期元旦日賽事，由於有唔少好馬在陣，所以好幾場都見到熱到透大熱門，當然，最誇張一定係第四場「共創美好」同第九場「神舟十號」，隔晚1.5倍都冇，真係信心滿到爆。

　　另外，噚日發現三匹怪飛馬（見表），周某最鍾意第三場「金鎗俠」，話說呢匹馬上次跑田草1200米，閘前賠率係25倍，今次跑番同程，但隔晚竟然曾得9.7倍，咁都未夠特別，大家要記得，「金鎗俠」上仗其實輸十二個多馬位，今次夠膽落飛，相信係睇中佢呢鋪遇弱旅，既然有信心，唔怕跟。騎師王方面，上文提到「共創美好」同「神舟十號」都係潘頓騎，騎師王賠率有1.8倍算好分，一於捧場。(周仲)