寶樹高盈變陣 文家良（目及）實

猪拉多纳

文家良馬房與「寶樹」系一眾馬主交情深厚，鬥志零舍鮮明，明日第四場又有匹「寶樹高盈」報名上陣，此駒表現一向穩定，但上仗首次戴頭罩及綁脷演出卻強差人意，既然唔得便立刻變陣，今仗卸除所有裝備，一切還原基本步，幕後用意十分正面。
       
寶樹高盈

昨朝晨課又有緊張動態鏡頭，約七時許馬匹由柏寶親試，騎往大圈慢跳一段，走勢輕快自若火氣湧現，狀態對辦，而文哥在烽火台食胡位舉鏡睇馬顯得好肉緊，今勻換人轉場地出擊有好大變數，值得吼實。