華拉度列貝迪斯爆護級「大」戰

猪拉多纳

西甲今晚重開，華拉度列同貝迪斯會合演下游大戰。海軍鬥水兵睇落真係冇乜高低，考慮到華拉度列主場出擊夠猛火，包艇嘅貝迪斯對住護級勁敵作客都肯定要搏，捧1.82倍入球大最明智。

（now632台及818台、TVB13台周日凌晨1:00直播）
主隊火力有保證

先講講下游形勢，華拉度列暫列尾4，貝迪斯就得10分包尾，大家都係咁水，真係冇乜邊隊秤先。華拉度列係水皮，但近5場西甲主場賽事當中，有4場係能夠攻入兩球以上，由首席射手查維亞古艾拿領銜嘅鋒線，火力有番咁上下保證。

對家貝迪斯今季喺西甲贏過兩場咁大把，客場平均失球數字更加高達3球，想頂得住華拉度列嘅進襲唔容易。之不過咁，貝迪斯想脫離榜尾位置嘅話，對住咁高咁大嘅華拉度列唔搶分等幾時？預計呢支包艇隊伍唔會坐以待斃，隨時同華拉度列鬥攻都似。