羅馬下盤有買趁祖

猪拉多纳

聯賽不敗之師叉滿電

意甲歇冬後重開即上演榜首大戰祖雲達斯主場鬥羅馬，雙方今仗均能以最強陣容應戰，祖雲達斯有五分領先優勢，今仗料會穩陣至上。羅馬係目前意甲唯一不敗之師，只要踢出上半季水準可望全身而退，祖記讓半一，波童一於捧下盤。

（TVB 301周一凌晨3時45分直播）

祖記迎接呢場大戰前收到好消息，早前受傷嘅中場大腦派路已康復，阿根廷前鋒泰維斯亦趕及歸隊，連同其餘主力維達爾、保羅普巴及洛蘭迪等等，今仗可以強陣應戰，不過斑馬兵團依家喺榜首領先羅馬五分，今場只要唔輸計落都冇蝕底，尤其是呢類高手過招場合，預計祖記會先求穩陣，未必會過分急攻。
攻守能力不遜祖記

目前喺聯賽榜排第二嘅羅馬，除守將巴沙列堤及前鋒小將基安魯卡卡柏里肯定缺陣外，球隊靈魂隊長托迪、前鋒謝雲奴、中場迪羅斯及比真歷等全部皆可候命。雖然羅馬歇冬前成績有少少回落，七場聯賽有五場和波，但係佢哋仍然係本季意甲唯一未敗之師，今季十七場聯賽有十一場保持冇失波，現時失球數字仲係單位數字，羅馬防守力之強可見一斑。

就算講到進攻能力，羅馬今季入球數字亦只係少祖記四球，無論攻守都不比祖記遜色，今場係五五波之爭，羅馬有得受讓半一梗係捧下盤啦！