國米當弗拉素有難

猪拉多纳

眼見同市死敵AC簽到本田呢位大星，國際米蘭亦唔輸蝕，搶走AC目標迪岩布斯奧，仲準備收購熱刺中場拉美拿，依家雄心壯志，新年首仗作客拉素更加唔衰得，挾勝出打吡戰餘威，力爭再下一城。拉素剛炒教練柏高域，請利查回巢領軍，但呢位老帥恐怕難激發球員鬥心，平手盤捧國米。

（TVB301周二凌晨1時30分直播）
利查回巢作用有限

國米新老闆托希爾計劃大展拳腳增兵，除咗爭贏AC，簽拖連奴後衞迪岩布斯奧外，收購目標仲有熱刺中場拉美拿、皇馬前鋒謝斯洛迪古斯等，誓要重建王朝。球隊現時眾志成城，特別係歇冬前打吡戰擊敗AC，士氣更被推上高峰，拉素撞正佢哋整定唔好彩。

拉素今季演出長期低迷，柏高域日前終於執包袱，由利查回巢執教，但68歲嘅利查今次只屬臨時捱義氣幫幫手，恐怕短期內難以凝聚球隊，首仗面對來勢洶洶嘅國米，仲未係反彈時候，預計將輸波而回。