繽繽紛紛換人出冷

猪拉多纳

　　第四場四班1650米，「黃金宅男」上仗負133磅兼連番被封位下入Q，由於莫雷拉乃輕磅騎師，此駒在死鉛超多下，演出算出色。不過今番已是細馬第三次負130磅以上，死鉛次次都多，只能寄望頂埋呢鋪；「正紅旗」上仗流鼻血復出第二鋪已贏馬，還記得賽前拍草地一課，我完全唔鍾意，難得既肥又重身可彈甩主馬群獲勝，而且勝後有正常準備，健康OK，狀態也比上仗好，怎敢不揀？「龍華太旨」每每只近難贏；「萬眾期待」健康穩定，又有好手潘頓助陣，無得飛。

　　「幸運新寶」其實愈跑愈似樣，今次轉配備未必湊熱鬧，只是自己與胡廐馬一向無緣；「小林夜雨」體力似用完；「蓮花盛放」上仗內欄慳位，但衝落較失望；「過關勇將」上仗被阻所以無位出，潘頓末段冇用過鞭，又無用過力都衝得好，今次後備補出配安國倫，似樣；「大埔福星」贏馬後要面對升班轉場加程等壓力，有待考驗；博W最好揀「繽繽紛紛」，此駒今季狀態及能力明顯有進，大前仗入Q後，前仗放頭不宜作準，上仗排三檔卻走大外叠也不能作準，這次刻意改配湯智傑博好分，一定要揀。(廖浩賢)