配韋達票數踏浪而來

猪拉多纳

　　今晚終於舉行谷草賽事，未報名之前，周某仲以為會有好多谷中好手參加，點知最後卻係另一回事。噚日睇飛，各場都好似搵唔到重心咁，大部分隔晚大熱W都有4倍以上，睇隨時爆冷。

　　怪飛馬方面，周某一共搵到三匹（見表），我就比較鍾意第八場「踏浪而來」。呢匹馬今季轉入容天鵬馬房，兩次出賽分別配潘頓同巫斯義，但係竟然都係冇飛支持，臨場獨贏賠率有51倍咁多，最終跑唔出水準，係理所當然事。但係今次一配韋達，飛數完全唔同晒，隔晚獨贏賠率曾得8.9倍，位置亦只得2.4倍，難得呢匹馬完全冇近績支持，今鋪都有人肯撐，點可以唔信番一注呢？一於捧佢。

　　騎師王方面，巫斯義騎足八場咁落力，得7.5倍正常，可博。(周仲)