美國先鋒換人交代

猪拉多纳

　　今日霍利時只派三駒上陣，但我睇好佢有馬贏，最啱心水係第三場「美國先鋒」。呢隻馬之前一直冇表現，但上場落到五班跑，即有如脫胎換骨，就算末段郭能左邊韁繩脫手，一樣跑入季軍。今次繼續留響五班上陣，改由安國倫操刀，應可贏馬交代。

　　另一匹心水係尾場葉廐「得盛」，上場入Q雖然畀頭馬「旗幟鮮明」彈甩，但後面一眾高班馬亦埋唔到佢身。今次降落二班跑，可順利贏番一仗。張敬山