賓福特識撈發維

猪拉多纳

搞隊波燒錢講人脈

搞一隊波唔係咁簡單，開始時候一定會燒錢，所以本身要有足夠資金周轉，另外最重要係「有人脈」，正所謂朝中有人好辦事，不論搵球員定係搵贊助商，都要靠人幫手，若果人際網絡搞得好，自然事半功倍啦！

英甲球隊賓福特老細係肥叔世姪，於菠菜界業名氣響噹噹，事業如日方中，今年擺低盤生意搞波，一樣搞得有聲有色，連英格蘭足總都睇好佢，之前搵人訪問呢位球會新紮老闆點營運，最難得係佢好尊重前輩，對肥叔好客氣，每次見面都會親自出迎，呢點真係好抵讚。

賓福特位列英甲榜首，升班機會好高，會方積極招兵買馬，近日借到阿仙奴小將艾卡邦，呢類新星好多人爭，會方上半季於富咸借得有料射手馬些路托達，今次又搵到猛將加盟，可見球會老細有人脈。大軍勢頭好，今晚主場對維爾港讓得多都唔怕，照捧上盤！

（周六晚11時開賽）
富咸護級捉黑貓

同日富咸主場對新特蘭，「黑貓」剛於盃賽砌低曼聯贏盡掌聲，不過呢類中型班人手有限，兼顧幾線作戰好吃力，上場仲要搏得好盡，今次於護級大戰硬撼富咸有隱憂。富咸換帥後已有起色，今場小讓平半盤口合理，上盤博得過。

（now 625周六晚11時直播）

猪拉多纳