拉素添食有着洛

猪拉多纳

利查回巢領軍精神晒

阿King好多朋友都鍾意用「新帥效應」買波，其實呢條方程式一直都幾work，好似意甲拉素咁，換咗68歲教頭利查領軍，聯賽重開後即刻大翻身，連國際米蘭都砌低埋，真係唔嘢小，相信呢條「新帥效應」嘅水可以繼續，拉素今輪作客對住排尾四嘅博洛尼亞，小讓平半上盤可取。

（TVB 301周日凌晨3時45分直播）

拉素上半季戰績唔妥，歇冬期間決定炒教練，搵番早兩年帶隊踢得非常唔錯嘅利查領軍，呢頭返嚟，嗰頭意甲重開拉素主場就以1比0打沉國際米蘭，呢個老帥真係有啲料到。
「老來嬌」高路斯靠得住

其實除咗利查，拉素仲有個福星高路斯照住，贏國米就係靠佢入波，唔怪得德國教頭勒夫講過，現時高路斯依然係國家隊必然正選，仲有呀，近日甚至有傳聞話，連阿仙奴都想搵高路斯幫手頂檔，無論真假，睇怕高路斯對住紙咁薄嘅博洛尼亞後防，要入波真係話咁易，事實上，博洛尼亞的確唔抵幫，近四場得一勝三負根本冇起色，即使主場出擊都揀唔落手。
里昂回勇「大」踢爭氣波

另外，法甲褪色勁旅里昂最近有起色，里昂箭頭巴菲迪比高美斯連續六場有士哥，弗到漏油，對住後防猶如豆腐渣嘅索察，佢又可以盡情數胡，入球大有計。而華倫西恩斯經歷約五個月主場不勝，不過巴斯蒂亞一向靠主場搵食，今季作客未嘗一勝，兩邊入球能力都有限，揀細。