蘇偉賢苦盡盃來 高耀之寶63倍夠晒「傑」

猪拉多纳

蘇偉賢首季從練一鳴驚人，不過踏入2014年運氣稍為減弱，首三次賽事累積四亞兩季，連番與頭馬擦身而過。昨日賢廐強陣出擊，可惜首三場的「千軍萬馬」、「星際武士」及「新界福星」全部未能擺脫二奶命，其後大熱門「創基寶」又因心律不正而倒灶，以為惡運未除，誰知在全日唯一盃賽博愛盃，由湯智傑策騎的「高耀之寶」，在亂軍中突圍而出，力壓「旺當家」爆出63倍巨冷，為練騎打破悶局兼捧盃。
       
高耀之寶力拒旺當家爆全日最冷W，捧走博愛盃，助騎練齊齊轉運。

昨日賽後蘇偉賢說：「近期我的運氣麻麻，今期出馬陣容唔錯，當然有一定寄望，結果竟然由『高耀之寶』這匹下風馬報捷，實在令我意想不到！坦白講，『高耀之寶』在三班確實評分高企，不過跑完上場直路賽之後，狀態依然相當唔錯，連湯智傑都叫我畀機會佢再騎多一次，他是我以往在柏廐時的同事，大家能夠合作贏馬，自然特別高興。『高耀之寶』今場排理想的三檔起步，因而可以跟守較主動的位置競跑，結果湯智傑發揮出色，力拚為馬兒保住勝果，認真抵讚！」
       
湯智傑
湯智傑破三個月悶局

湯智傑自從10月23日憑「京城精英」贏馬後，一直苦無頭馬進帳，期間又因夥拍「愛的呼喚」未盡力策騎而停賽一個月，復出後又缺乏實力坐騎，因而守齋近三個月，到昨日終於憑「高耀之寶」打破悶局，兼贏得季內第一盃，實在值得高興，且看這位華將能否保持水準，在往後賽事再爭取好成績。