至弗拿玻里迎阿特蘭大

猪拉多纳

意大利盃16強，拿玻里主場迎戰阿特蘭大，拿玻里狀態托弗，主場表現勁穩定，攻力又夠強，今場對住作客例牌腳軟嘅阿特蘭大，要贏兩粒或以上根本冇問題，一於揀1.8倍嘅讓球主勝。

（now 633及660周四凌晨4時直播）

拿玻里今季喺新帥賓尼迪斯帶領下繼續一貫主攻踢法，前線更係人才濟濟，希古恩、荷西卡利祖、彭迪夫、梅頓斯今季都入到五、六球以上，令到球隊入球數字僅次於意甲榜首祖雲達斯，當中尤以主場戰鬥力特別犀利，近九仗主場有八場係入兩粒或以上，連國米、阿仙奴呢啲出名勁旅都擋唔住拿玻里嘅銳利攻勢，試問近況甚頹嘅阿特蘭大又點頂得住拿玻里呢？再加上拿玻里喺聯賽積分榜落後太多，盃賽王賓尼迪斯或會更努力爭盃賽，隊波今場為贏波晉級實唔會手軟。
阿特蘭大作客腳軟

阿特蘭大係正宗嘅地頭蟲，一作客就冇晒霸氣，近十仗作客錄得一勝一和八負嘅差劣戰績，防守好弱雞，近四場作客總共失咗八球，所以話拿玻里今場要贏兩粒或以上並唔難，讓球主勝捧得過。