皇馬揸住2粒歎「細」界

猪拉多纳

西班牙盃16強次回合訪奧沙

今晚西班牙盃16強次回合有場重頭戲，由奧沙辛拿主場迎戰皇家馬德里。雖然「銀河艦隊」「大佬」C朗啱啱攞咗個金球獎，不過考慮到奧沙今季喺聯賽主場對皇馬同巴塞都保住不敗，防守硬淨唔係咁易食，皇馬就算贏波，睇怕都係一球起兩球止，今場入球中位數開到3.5球，捧1.72倍入球細最穩陣。

（now632台周四凌晨4:30直播）
巴利傷愈冇耐靠唔住

新科金球獎得主C朗啱啱先喺蘇黎世拎完獎趕返嚟，佢勁High咁捉住成班隊友合照，又將個獎畀咗小師弟謝斯洛迪古斯舞咗一輪影相留念，睇嚟仲沉醉緊喺得獎嘅喜悅入面，其實佢近兩場賽事已經因為「心繫金球」搞到表現麻麻，落場都未必有貨賣啦！

就算領隊安察洛堤諗住搵加里夫巴利頂住先，但呢位飛翼只係復出冇耐，狀態未算十足，小妹就唔睇好佢可以完全取代C朗囉！
奧沙硬淨齋守唔識攻

講到前線嘅賓施馬，雖然佢把握力唔算差，但奧沙主場勁硬淨，今季喺西甲對住皇馬賽和2:2，更成功「零封」巴塞開「0:0」，近8戰主場賽事亦只係得1場波失多過1球，證明佢哋唔好恰。最重要皇馬首回合有兩球喺手，今戰唔需要積極進攻，對家奧沙辛拿火力又唔強，近5戰得1場波入超過1球，兩位前鋒連奴同埋文路爾安胡長抖，得番奧利奧爾尼亞拿一個擔大旗，又點夠力數胡先？咁搞法，想呢場波開入球騷都好難咯！
Data King奧沙主場對皇馬例和波

連盃賽在內，奧沙辛拿近5戰有4場開入球細，皇馬近6戰亦有5場開細。

奧沙辛拿近2次喺主場鬥皇馬都和局收場。

皇家馬德里近8戰得兩場攻入兩球或以上。
首回合：奧客負0:2

西盃賽制

採主客兩回合制，今輪為16強次回合。兩回合計打和將計作客入球優惠，未分勝負則於次回合法定時間後加時30分鐘，加時階段仍計作客入球優惠，再和則互射12碼決勝。