獅吼發惡再咬光輝

猪拉多纳

好多女仔都係既怕太陽曬，又怕寒風吹！妹頭睇天氣報告，見到依家係夏天嘅澳洲熱到死死吓，墨爾本最高溫仲去到攝氏40幾度，真係諗起都怕怕！

好在珀斯同布里斯班就冇咁熱，事緣位於西澳洲嘅珀斯最高溫都係30度左右，而且今日珀斯光輝對布里斯班獅吼呢場澳職開賽時間亦接近入夜，球員唔使喺艷陽下比賽，否則真係曬到變人乾！先講客隊獅吼，上輪佢哋爆冷輸畀阿德萊德聯，但要注意今季獅吼未試過兩連敗，況且今季獅吼已經小勝過光輝，而近12次作客珀斯更係8勝2和2負，勝出率高到離譜。獅吼今日雖然有迪奧高費拉拿停賽，但布萊治應該可以紮住上陣，法蘭積雖然賽前話肚痛，但都有機會及時好番出賽。

珀斯光輝換咗新教頭路維之後取得兩連勝，但上兩場贏嘅對手係紐卡素噴射機同墨爾本雄心，始終實力較弱，今日面對住獅吼點都輸一截。而且占美遜、永井龍兩個重心球員又傷，加上幾個去咗踢國際賽，獅吼讓平半撐上盤！

（有線64及203台周五晚6時45分直播）
妹頭推介

珀斯光輝Vs布里斯班獅吼

布里斯班獅吼（上盤）