馬拉加夫添剿「蝙蝠」

猪拉多纳

馬拉加今輪西甲主場鬥華倫西亞，兩隊今季表現都走晒樣，想爭取下季歐洲賽資格，今場開始要加把勁。雖然雙方今季主場同作客一般，但考慮到華倫作客腳軟，2.45倍主勝值得一試。

（開賽時間：周六凌晨4:00）

上兩季風光一時嘅馬拉加，今季表現跌晒Watt，現時聯賽只係排中下游。不過，排第8嘅華倫其實喺客場嘅表現仲差，近5仗作客僅1勝，雖然近3季華倫對馬拉加贏5次，不過作客嗰兩次都輸晒，所以點睇馬拉加都仲係着數啲。

雖然華倫有射手莊拿斯干卡維斯可以候命上陣，但佢今季8個入波得1球係作客入，今次去到羅沙列達球場想有「士哥」，確實有一定難度囉。既然馬拉加今場可以「夫添」上陣，撞正對手作客實力咁弱，今場仲唔去到盡搶W咩？