悉尼水手唔識攻細心之選

猪拉多纳

妹頭我繼續日本之旅，除咗一啲旅遊熱點外，最近仲去到小豆島。呢個小豆島要喺香川縣再轉一個鐘頭船過去，就好似我哋香港去離島一樣。小豆島人就唔算多，不過當地有好多特色景點，風景仲好迷人添，唔怪得咁多日劇都喺度取景啦！妹頭仲特登一早起身去睇日出，真係浪漫到暈。

日本的確係一個好地方，唔怪得「日本浪人」小野伸二都話思鄉，宣佈季尾離開澳職西悉尼流浪者，返番祖國轉投日乙嘅札幌岡薩多。講開西悉尼流浪者，佢哋同市對手FC悉尼今日會喺主場對中岸水手，鑑於FC悉尼腳頭無靈、水手又守優於攻，妹頭今場決定支持入球細。
迪比亞路難復當年勇

自從去年12月以嚟，FC悉尼近六戰只得一勝，明眼人一睇都知佢哋狀態陷入低谷。雖然陣中有昔日金童迪比亞路壓陣，但佢都年近四十喇，不復當年勇絕對係人之常情。最慘其他攻擊球員又唔生性，好似李察加西亞、迪斯普杜域等表現時好時壞，場場都屢失良機，試問入波邊有保證喎。

對手中岸水手亦唔好得好多，今季只攻入13球，僅僅比榜尾嘅雄心好，故此開出入球細比率高達六成五！呢隊波仲有個怪現象，自去年11月開始會「梅花間竹」咁出現零入球，即每踢兩場就有一場交白卷，認真有趣。呢兩隊波最近六次對賽有五次開出入球細，咁好路今日決定再追一次。

（有線64及203台周六下午4時45分直播）
妹頭推介

FC悉尼Vs中岸水手

入球細