紅軍鬥維拉再追「半大」

猪拉多纳

「SAS」重出江湖！利物浦前鋒史杜列治養傷超個1月後，上仗後備復出即刻建功，同拍檔蘇亞雷斯夾手夾腳炒起史篤城。利物浦今晚回師主場鬥維拉，肯定大開殺戒！但考慮到紅軍防守一般，足智彩開「-2」辣得滯，不如轉捧2.02倍「半場大」仲好。

（now621台周日凌晨1:30直播）

其實一個蘇亞雷斯都已經係入球保證，依家史杜列治回歸，維拉睇得邊個呀？之但係紅軍防線堅唔穩陣，上仗佢哋早段領先史篤城2球，都可以喺完半場前被極速追平，今仗對手同樣有高大中鋒賓迪基壓陣，就算中堅馬馬度沙高趕及復出，睇怕未必頂得住。

維拉雖有高薩克長抖，好在賓迪基上仗打破入球荒，信心應該返晒嚟，有呢架「坦克車」開路，翼鋒艾邦拉荷唔難爭取到士哥，但同時佢哋又有守將尼敦巴卡、奧哥尼缺陣，肯定搞唔掂「SAS」，睇埋往績，利物浦近5次主場鬥維拉4次開「半大」，咁好路梗係追啦！