俊飛象落班有人信

猪拉多纳

　　今日係大賽日，各個馬房當然擺強陣出嚟攞威，其中最誇張嘅，可以話係大摩，隔晚四場大熱門關佢事，點可以唔信佢。

　　至於怪飛馬方面，噚日發現三匹落班馬有好重飛（見表），周某最鍾意頭場「俊飛象」。呢匹馬長期受傷患影響，今季可連續四次落場跑冇退出，證明告達理已將佢養番好，當然，由於佢轉倉後表現欠奉，四戰賠率都好冷，上仗仲講緊45倍，但今次落五班配柏寶，孭住133磅都有飛，隔晚獨贏曾得6.6倍，賠率跌幅誇張，望落似搏殺格，不妨跟番一注。騎師王方面，本來噚日開盤時，莫雷拉得1.95倍，但後來操盤手又重新調整至2倍，反而潘頓同安國倫雙雙賠率跌，睇嚟買晒潘頓及安國倫更划算。周仲