ＡＣ未執掂好難發維

猪拉多纳

是日英超大戰車路士主場對曼聯，「紅魔鬼」現時處於谷底，唔少人都睇好車仔今場贏得。不過，兩隊始終都係英超頂級球隊，實際差距冇想像中咁大，車仔讓到半一實在嫌多，正路讓平半盤先啱數，橫計掂計，肥叔都係覺得玩大盤較佳。
維羅納受讓筍爆

講番今次重心場次，意甲賽事AC米蘭主場對維羅納，捧客隊！AC米蘭搵到新帥施多夫領軍，氣氛好番好多，亦令唔少人憧憬佢哋下半季會反彈，有呢種諗法好正常。不過，AC內部始終存在問題，唔係話換帥就可以馬上搞掂，特別係施多夫本身冇乜領軍經驗，到底係咪真係咁叻，仍然有待驗證。維羅納今季踢落好硬淨，呢場有得受讓球半抵玩到不得了，下盤值得捧場。

（TVB 301周一凌晨3時45分直播）

另一米蘭市球隊國際米蘭會作客熱拿亞，國米作客其實絕對唔叻，論客場評級只係意甲二線球隊，今場要讓波純粹因為名氣大，仲要讓到半一，真係過火啲噃！熱拿亞主場不嬲硬淨，只要今場發揮正常，絕對有力保持不敗，下盤博得過。

（TVB 301周日晚10時直播）