畢爾包讓主「拉」唔住

猪拉多纳

誓保主場不敗金身

畢爾包今季主場勁到識飛，現時係除咗巴塞隆拿同馬德里體育會之外，另一支主場不敗嘅西甲球隊。佢哋今輪聯賽主場鬥排尾3嘅華拉度列，恃住自己嘅主場優勢，同對手近況咁差，要保住不敗金身唔算難。畢爾包讓一球咁筍，一於捧1.82倍嘅「讓球主勝」！

（開賽時間：周二清晨5:00）
華拉度列或缺中場艾拔

畢爾包今季聯賽主場8勝2和，只係失咗9球，如果唔係作客表現走晒樣，一定唔止得36分咁少。雖然今場佢哋有首席射手米基爾列高，同今季入咗4球嘅後防猛將米基聖荷西停賽，射手蒙尼恩膝傷未好番，可能唔出得，但係要搞掂近5場聯賽作客未贏過嘅華拉度列，有阿度里斯同伊拜高美斯等坐鎮，應該已經夠贏。

華拉度列今仗都係倚重前鋒查維亞古艾拿攻堅，但係有入球能力嘅德國中場艾拔患感冒，唔知出唔出得。畢爾包只要搞掂查維亞古艾拿，全取3分冇難度。