一、二場捧鄭俊偉

猪拉多纳

　　上次寫過莫雷拉化身謎語人，原來佢對馬迷忠誠度十足，唔會玩戲法，當晚揀嗰兩匹「寶貝王」及「興趣」冇W有Q，所以，第日再遇到同類型事件，都係唔使諗太多，一於相信佢眼光。

　　今次10場送歲賽，3泥7草點賭好？又博雷神贏三幾場，定係吼實潘頓、韋達、安國倫等等，博佢哋可以反彈。以前騎師輪流贏係不成文規定，但有咗雷神之後，呢支歌仔好似唔多啱聽。

　　與其要估係唔係開雷神，定係其他人，不如賭馬房，呢次鍾意鄭俊偉兩匹泥地馬，雖然話，今季呢個馬房成績唔算出色，泥地頭馬得兩場咁大把，但係唔講可能唔知，佢今季啲泥地上陣馬，原來有一半以上跑到入前四名，演出真係夠晒穩定。

　　陽光王子復甦

　　第一場「陽光王子」，今季跑到上場為止，先至首次跑到入前列，唔使問阿貴，降班係最大原因，成績終於回起，韋達唔放手，梗想搏到贏；第二場「神童」，唔知今季發生咩事，硬係跑得唔太好，係到上場先至入到Q，難得成績好轉即刻搵番最佳拍檔杜利萊，睇個勢，仲唔係想交代。Jack